Spanja luajti baras me rezultat 3-3 në një miqësore ndaj Brazilit, në stadiumin mitik ‘Santiago Bernabeu’.

Gjatë ndeshjes qendërsulmuesi i Spanjës, Alvaro Morata u vërshëlye nga publiku vendas, shkruan Arbresh.info.

Ishin tifozët madrilen të pranishëm që nuk e kanë kapërdirë ende ‘tradhtinë’ e Moratës.

Kundër këtij vendimi ishte trajneri i Spanjës De La Fuente i cili në konferencë për media pas ndeshjes theksoi se u ndje i turpëruar pas atyre gjesteve nga publiku në Bernabeu.

“E turpshme! Më dhemb në shpirt kur një futbollist i Kombëtares vërshëllehet në vendin tim. Më vjen realisht turp nga ajo që ndodhi. Atmosfera në Bernabeu ishte e shkëlqyer, por si spanjoll që jam ndiej turp të madh kur vërshëllehet një lojtar spanjoll. Edhe pse shumica e mbështetën skuadrën. Është detyrë e të gjithëve të edukojmë njerëzit që të mbështesin Kombëtaren. Duhet t’i lëmë menjanën ngjyrat e klubeve, mendoj se në këtë aspekt duhet të punojë edhe shtypi”, u shpreh trajneri 62-vjeçar.

Kujtojmë se Morata ka qenë pjesë e Real Madridit deri në vitin 2014 më pas u transferua tek Juventusi.

Teksa sëish u rikthye në Madrid për një sezon.

Tash e disa vite Morata është pjesë e Atletico Madridit./Arbresh.info/