De Biasi – Mourinho, këtë nuk e ka pritur askush

20:29 | 15 Prill 2016
M. A.

Gianni De Biasi mund të jetë “në luftë” me Jose Mourinhon për postin e trajnerit të Italisë.

“Do të shkojmë në Europian me emrin e ri të trajnerit”. Kjo është një pjesë e deklaratës së bërë nga Presidenti i Federatës Italianë të Futbollit, Carlo Tavecchio.

Pas largimit të pritshëm të Antonio Contes në mbyllje të ‘Euro 2016’, për të drejtuar më pas ekipin e Chelseat, shtypi italian ka ngritur pikëpyetje të shumta në javët e fundit se cili do të jetë zëvendësuesi i tij.

Ndër emrat e përfolur është edhe trajneri i Kombëtares shqiptare të futbollit Gianni De Biasi. Ky i fundit u shpreh pak ditë më parë se ishte i gatshëm të merrte drejtimin e Italisë, por për momentin mendon për kuqezinjtë në finalet e Europianit.

Ndërkaq, në deklaratën e tij, Tavecchio ka folur edhe për Mourinhon, një emër i ri ky që flitet për stolin e Italisë.
“Janë në fazën e reflektimit, çdo ditë përmenden trajnerë të rinj. Është ende herët për të folur. Mourinho i lirë? Mendoj se kushton shumë për ne”,-ka thënë ai sipas gazetës italianë ‘La Repubblica Sport”.