Mirlind Daku është një prej futbollistëve që ka shkëlqyer edicionin pranveror tek skuadra e tij Rubin Kazan.

Ai ka shënuar 10 gola e ka dhuruar katër asistime me skuadrën ruse këtë sezon, shkruan Arbresh.info.

Pas formës fantastike ai ka rënë në radarin e gjigantit turk, Besiktas.

Besiktas e ka bërë prioritet transferimin e Dakut sipas mediumit turk VseProSport.

Duke marrë parasysh edhe largimin e Vincent Aboubakar dhe mosmarrëveshjen me Cenk Tosun ende, futbollisti gjilanas është opsion i mirë për turqit.

Madje sipas këtij mediumi, drejtuesit e Besiktasit tanimë kanë bërë një ofertë për Dakun, por që nuk janë publikuar shifrat.

Rubin e transferoi gjilanasin për vetëm 1,2 milionë euro, por vlera e tij është shumëfishuar pas paraqitjeve fantastike në elitën e futbollit rus.

Interesim për të kanë pasur edhe skuadrat më të mëdha ruse si CSKA Moska e Zenit st Petersburg, por Rubin ka refuzuar ofertat.

Daku aktualisht ka vëmendjen në Euro 2024 ku është ftuar nga Sylvinho tek kombëtarja e Shqipërisë./Arbresh.info/