Java e 14-të në Superligën e Kosovës në futboll përfundoi dje me takimin derbi midis Dritës dhe Llapit.

Një hattrick i Albert Dabiqajt i dhuroi fitore gjilanasve me rezultat 3-1 ndaj llapjanëve, shkruan Arbrsh.info.

Futbollisti i Dritës pas super performancës së tij u zgjedh edhe “Ylli i Javës” në Superligën e Kosovës.

Lajmin e ka bërë të ditur vetë Fedrrata e Futbollit të Kosovës përmes një postimi në rrjetin social Facebook.

Pasi e fitoi këtë çmim, Dabiqaj u shpreh i lumtur dhe ka falënderuar të gjithë futbollistët, stafin e trajnerët.

“Kishim një ndeshje mjaft të vështirë, me Llapin u kthyem nga disavantazhi në 3:1. Të kthesh rezultatin nuk është aspak e lehtë. Personalisht, si Dabiqaj, ky ishte het-triku i parë në karrierën time në Superligë dhe ky është një moment i jashtëzakonshëm. Jam i lumtur me ecurinë e skuadrës dhe duhet të vazhdojmë kështu. Në xhiron e ardhshme shkojmë tek kampioni në fuqi, FC Ballkani, që është një skuadër e jashtëzakonshme dhe ka një ecuri si vendas të pamposhtur, por ne do të shkojmë ta luajmë lojën tonë. Falënderoj bashkëlojtarët, stafin e trajnerëve, sepse pa ta nuk do të kaloja në këtë formë”, tha ai për faqen zyrtare të FFK-së.

Drita sfidën e radhës e luan ndaj Ballkanit në Suharekë./Arbresh.info