Ad Banner
Ad Banner
Ad Banner
Ad Banner

Çereku i parë, fatal për Dardanët në përballjen ndaj Kroacisë

17:00 | 8 Gusht 2025
Q L

Kombëtarja e Kosovës U18 në basketboll nuk arriti të shmangë humbjen në ndeshjen e dytë të fazës së grupeve në FIBA Kampionatin Evropian, Divizioni B, që po zhvillohet në Shkup të Maqedonisë së Veriut.

Dardanët u mposhtën nga Kroacia me rezultat 72:61, në një përballje ku fati i takimit u përcaktua që në çerekun e parë.

Dardanët zhvilluan një lojë të denjë dhe të barabartë në tri periudhat e fundit, por deficiti i dhjetë pikëve nga periudha e parë rezultoi vendimtar.

Rezultati sipas çerekëve:

Çereku I: 19:10

Çereku II: 20:19

Çereku III: 18:19

Çereku IV: 15:13

Almir Dullovi ishte më i miri te Kosova, duke shkëlqyer me 27 pikë të realizuara, por përkundër paraqitjes së tij, skuadra nuk arriti të përmbysë epërsinë e hershme të kroatëve.

Ndeshja e radhës për Kosovën do të zhvillohet nesër ndaj Danimarkës, në kuadër të ndeshjes së tretë të fazës së grupeve./rtk

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm