Portieri i Arsenalit, Petr Cech insiston se ai dhe bashkëlojtarët e tij do të trajtojnë Evropa Ligën me respekt nëse dështojnë për të siguruar një vend në top katërshe.

Skuadra e trajnerit Arsene Wenger do të ketë mundësi për të rrëmbyer pozitën e katërt në tabelë nëse Liverpooli dështon për të mposhtur Middlesbroughin dhe nëse “Topçinjtë” fitojnë takimin ndaj Evertonit, transmeton portali arbresh.info.

Në rast se kjo nuk ndodhë, skuadra londineze do të sigurojë pozitë vetëm për kualifikimin në Evropa Ligë duke mbetur jashtë Ligës së Kampionëve për herë të parë pas 21 viteve.

“Një trofe evropian është një trofe evropian”, tha fillimisht Cech. “Duhet ta them, ne e duam më shumë Ligën e Kampionëve sesa Evropa Ligën, por duhet ta shikoni se çdo herë e më shumë skuadrat e mëdha janë duke e trajtuar me respekt Evropa Ligën sepse është gjithashtu një trofe evropian”

“Madje, ju mund të kualifikoni në Ligë të Kampionëve nëse e fitoni atë gjithashtu”

Arsenali ka gjithashtu një mundësi për të fituar një trofe këtë sezon në takimin kundër Chelseat në finalen e ‘FA Cup’./arbresh.info