Jamal Musiala nuk do të luajë në ndeshjet e Ligës së Kombeve me Gjermaninë.

Mesfushori ende po vuan nga dëmtimi në kofshën e majtë, të cilin e pësoi me Bayernin me 4 prill gjatë ndeshjes së Bundesligës kundër Augsburgut, shkruan Arbresh.info.

Sipas BILD pritet të kthehet në fushë për Kupën e Botës për Klube, pasi ende nuk u rikuperua plotësisht, kështu që nuk do të jetë në gjendje t’i ndihmojë “pancerat”, në Ligën e Kombeve.

Pas dy muajsh rikuperim, Musiala do të jetë në gjendje të marrë pjesë në turneun e fundit dhe prestigjioz të planifikuar pas disa javësh, ku sipas gazetës gjermane ai e ka rritur ndjeshëm intensitetin e seancës së tij stërvitore.

Mbetet për t’u parë se kur trajneri, Vincent Kompany, do ta fus atë në stërvitjet e ekipit, dhe natyrisht se kjo mund të ndodhë që këtë javë.

Bayern Munich ndodhet në grupin C të Kupës së Botës për klube së bashku me Auckland Cityn, Boca Juniors dhe Benfican.

Nëse skuadra arrin të fitojë këtë turne fiton 110 milionë euro./Arbresh.info