Barcelona ka konfirmuar transferimin e Andreas Christensen si futbollist të lirë pas përfundimit të kontratës me Chelsean.

26-vjeçarit i skadoi kontrata me Blutë në fund të sezonit 2021/2022 dhe ai ka arritur marrëveshje që të jetë futbollist i Blaugranëve.

Qendërmbrojtësi ka nënshkruar kontratë katërvjeçare (deri në vitin 2026) me klubin spanjoll duke i dhënë fund qëndrimit prej një dekade në Stamford Bridge.

Katalunasit kishin arritur marrëveshje për Christensen në muajin e kaluar së bashku me Franck Kessie (nga Milani), mirëpo nuk kishin arritur t’i konfirmonin për shkak të kufizimeve financiare.

Signed! ✅ pic.twitter.com/AoP9JTjwC5

— FC Barcelona (@FCBarcelona) July 4, 2022

Megjithatë, të premten ka përfunduar viti kalendarik për Barcën dhe klubi njoftoi shitjen e 10 për qind të të drejtave televizive për 25 vitet e ardhshme (për 267 milionë euro te kompania amerikane Sixth Street).

Sot (e hënë) u konfirmua arritja e Kessie dhe pastaj e Christensen. Të dy lojtarët kanë klauzola prej 500 milionë euro për prishje të kontratave.