Spanja ka arritur të mposht Gjermaninë në çerekfinale të Kampionatit Evropian me rezultat 2-1 pas vazhdimeve.

Pjesa e parë u përmbyll pa gola me Spanjën që nisi më mirë ku në minutën e 15-të me anë të Lamine Yamal i cili nga goditja e dënimit gjuajti pranë portës.

Gjermania ndërkohë rrezikoi përmes Kai Havertz gjashtë minuta më vonë por gjuajtja e tij u ndal nga portieri Unai Simon.

Teksa spanjollët rrezikuan sërish me anë të Dani Olmos në minutën e 39-të por gjuajtja e tij në cepin e majtë të Neuer u prit nga portieri gjerman.

Ndërsa momenti i golit të parë ishte në minutën e 51-të kur Dani Olmo shënoi pas një asistimi fenomenal të Lamine Yamalit.

Gjermani nisi sulmet pas golit të pranuar mirëpo pa efikasitet, në minutën e 76-të NIclas Fullkrug goditi shtyllën.

‘Pancerat’ nuk u dorëzuan dhe një minutë para fundit Florian Wirtz barazoi për 1-1.

Me këtë rezultat përfundoi edhe koha e rregullt.

Ndërsa në vazhdime spanjollët u treguan më të vëmendshëm.

Kur të gjithë prisnin penalltitë në skenë u shfaq Merino i cili realizoi gol në minutën e 119-të për ti siguruar spanjollve fitoren.

Kështu Spanja kualifikohet në gjysmëfinale të Evropianit ku do të presë fituesin e ndeshjes Francë-Portugali./Arbresh.info/