Asllani: Dikur e kam pasur ëndërr të shënoj një gol për Kosovën, sot e realizova

22:18 | 9 Qershor 2025
D.H

Kombëtarja e Kosovës ka shënuar fitore me rezultat 4-2 ndaj Komoreve në stadiumin ‘Fadil Vokrri’.

Protagonist në këtë ndeshje ishte edhe sulmuesi Fisnik Asllani, i cili hyri nga banka për të shënuar, shkruan Arbresh.info.

Për Asllanin ky ishte goli i parë me fanellën dardane.

Pas ndeshjes ai u shpreh i lumtur me golin duke thënë se dikur ka qenë ëndërr e tij për të realizuar me kombëtaren.

“Dikur e kam pasur ëndërr të shënoj një gol për Kosovën – sot e realizova. Jam jashtëzakonisht i lumtur që arrita ta bëj realitet dhe sidomos që i bëra krenar familjen time, që ishte në stadium duke më përkrahur”, tha Asllani për faqen zyrtare të FFK-së.

Asllani pati një super sezon me Elversbergun në Bundesliga 2, ku arriti t’i shënoj 19 gola në 35 ndeshje si dhe dhuroi 10 asistime./Arbresh.info