Arsenali nuk e përballon mungesën e Koscilenyt

23:21 | 7 Mars 2017
Arbresh Info

Arsenali është poshtëruar edhe në Londër nga Bayern Munichi, i cili eliminoi “Topçinjtë” për të tretën herë në UEFA Ligë të Kampionëve.

Me largimin e mbrojtësit Laurent Koscileny nga fusha, “Bavarezët” arritën t’i shënonin gjigantit londinez pesë gola, shkruan portali arbresh.info. Francezi u ndëshkua me karton të kuq në minutën 53′ të ndeshjes duke lënë skuadrën e trajnerit Arsene Wenger me vetëm dhjetë lojtarë në fushë.

Sipas statistikave, gjatë dy ndeshjeve këtë edicion të zhvilluara ndërmjet dy klubeve, gjermanët kanë arritur t’i shënojnë vetëm një gol “Topçinjve” brenda 102 minutave derisa Laurent Koscileny ka qenë në fushë.

Ndërsa, në mungesë të 31-vjeçarit, skuadra e Carlo Ancelottit ka shënuar 9 gola brenda 78 minutave./arbresh.info