Arsenali ka shënuar fitore me rezultat 3-0 në kuadër të javës së tretë të Ligës Premier si mysafir i Bournemouth.

Topçinjtë morën fitoren e tretë nga po kaq ndeshje, duke treguar se këtë vit kanë një skuadër më të kompletuar.

Që në minutën e 5-t, Arsenali kaloi në epërsi me golin e Martin Odegaard që gjeti rrjetën nga afër për 1-0.

Në minutën e 11-të erdhi edhe goli i dytë, kur Odegaard shënoi sërish, kësaj radhë pas asistimit të Gabriel Jesus për 2-0.

Pjesa e parë nuk solli më raste e as gola.

Në të dytën Arsenali menaxhoi rezultatin që e kishte marr në pjesën e parë.

Goli i sigurisë erdhi në minutën 53-të, ku Granit Xhaka asistoi te William Saliba që shënoi gol të bukur për 3-0.

Deri në fund edhe pse kishte raste nga të dyja palët, rezultati nuk ndryshoi dhe Arsenali tashmë është lider me 9 pikë në Ligën Premier. /Telegrafi/