Suedia të martën tjetër (ora 16.00) do të luajë kundër Zvicrës në kuadër të 1/8 së Kupës së Botës. Në ranglistën e FIFA-s Zvicra është e gjashta, ndërsa Suedia e 24.

Por nëse Zvicra fiton ndaj Suedisë, atëherë kush është kundërshtari i radhës në çerekfinale dhe gjysmëfinale?

Në çerekfinale varet nga dueli i të parit nga grupi H kundër të dytit të grupit G. Me përjashtim të Belgjikës (vendi i tretë në FIFA), të gjitha klubet tjera janë poshtë helvetëve.

Skenari më i mirë do të ishte kundër Japonisë (61) që Zvicra e mposhti 2:0 gjatë miqësores së 8 qershorit ose Senegali (27).

Kandidatët e gjysëm finales kundër Zvicrës janë: Spanja / Rusia / Kroacia / Danimarka.

Deri tani Zvicra nuk ka humbur asnjëherë ndaj Kroacisë (një fitore/dy barazime). Ose pse jo kundër Danimarkës, ku fitorja e fundit ndaj tyre është përpara 34 vitesh (prej atëherë 2 barazime dhe një humbje).

Rusia si vend nikoqir mund të ishte pjesë e gjysëmfinales (si Korea e Jugut në 2002), megjithatë humbja ndaj Uruguait me 3:0 tregoi se rusët nuk janë tepër të rrezikshëm në këtë botëror. Në anën tjetër Spanja mund të ishte klub i vështirë kundër helvetëve.

Sa i takon finales do të ishim tepër hipotetikë. Në finale mund të jetë secili kundërshtar i joni. Deri atëherë Zvicra duhet të përgatitet për përballjet e mëparshme. /Albinfo