Pep Guardiola është trajneri i cili ka ndërruar lojën e bukur të futbollit.

Trajneri spanjoll është i hatashëm në ‘zehen’ e tij teksa këtë të diel arriti të fitoj titullin e katërt me radhë në Premier League dhe të 10-tin në histori për Manchester Cityn.

“Qytetarët” kanë fituar gjashtë nga shtatë titujt e fundit të Premier Leagues.

Pas këtij trofeu strategu spanjoll arriti shifrën e 12 kampionateve të fituara, padyshim një record i hatashëm duke ditur se për Guardiolën është sezoni i 15-të si trajner.

Në 12 kampionatet e fituara, Pep ka gjashtë Premier League me City, tri La Liga me Barcelonën dhe tri Bundesliga me Bayern Munich.

Kjo ecuri nisi në sezonin në të cilin ai bëri debutimin e tij në krye të skuadrës së Barcelonës.

Pas fitimit të divizionit të dytë me Barcelonën B (2007/08), Guardiola e përsëriti këtë sukses në 2008/09, kur u promovua në ekipin e parë të Barçës./Arbresh.info/