Kupa e Kosovës është në fazën e nxehtë, ku këtë të mërkurë do të zhvillohet dy gjysmëfinalet e kthimit.

Trepça, Bora, Sigal Prishtina dhe Bashkimi, janë në kërkim të dy biletave për finalen e madhe e cila zhvillohet me 18 shkurt, shkruan Arbresh.info.

Mitrovicasit kanë avantazh të thellë prej 23 pikësh, dhe janë shumë afër për të prerë biletën për finale.

Ndeshja e kthimit mes Borës dhe kampiones në fuqi të kupës luhet nesër me fillim nga ora 17:00.

Ndërkohë, pas kësaj sfide saktësisht në orën 20:00 në vendin e njëjtë pra palestrën ‘1 Tetori’ në Prishtinë, Sigali e pret Bashkimin në ndeshjen e kthimit.

Prizrenasit kanë epërsi nga ndeshja e parë prej 16 pikësh, dhe janë afër të arrijnë në finalen e dytë radhazi të kupës.

Kujtojmë se edicionin e kaluar finalja e kupës ishte Trepça – Bashkimi, ku triumfuan mitrovciasit./Arbresh.info