Ronaldo ankohet për dhimbje të gjurit

21:08 | 3 Nëntor 2015
M. A.

Cristiano Ronaldo tregon se ende nuk është shëruar plotësisht nga një lëndim në gju, të cilin e kishte pësuar dy vite më parë.

Portugezi ankohet se dhimbjet nuk i kanë pushuar që nga ajo kohë, mirëpo ai asnjëherë nuk është ndalur së dhëni më të mirën nga vetja për të ndihmuar ekipin e tij, transmeton KosovaPress.

“Nuk ka ditë që nuk ndjejë dhimbje. Çdo lojtarë do ta thoshte të njëjtën gjë. Është pjesë e punës dhe ne duhet të përballemi me të”, theksoi Ronaldo. Fituesi i ‘Topit të Artë’ për vitin 2014, gjithashtu shtoi se ai tanimë e ka ndërruar edhe mënyrën e jetesës. “Kur isha më i ri, pothuajse pas çdo ndeshjeje dilja për darkë, dhe kthehesha në shtëpi pas mesnatës. Tash nuk mund të bëjë gjëra të tilla. Shkoj në shtëpi më herët dhe mundohem të kujdesem për veten në mënyrën më të mirë të mundshme”, përfundoi 30 vjeçari nga Madeira.