Një 89 vjeçar në qytetin e Korçës ka mbetur i lënduar në pjesë të ndryshme të trupit nga një zjarr që ka përfshirë banesën e tij në një lagje periferike të qytetit të Korçës.

89 vjeçari Koço Zhidro jetonte i vetëm në një banesë private në lagjen nr 4 të këtij qyteti dhe për të kujdesej një grua 47 vjeçare.

Sipas policisë mëngjesin e sotëm, në rrethana ende të paqarta, batanijet në shtratin ku ndodhej 89 vjecarit u përfshinë nga flakët duke e lënë të lënduar në disa pjesë të trupit.

Ka qënë kujdestarja e tij ajo që ka bërë të mundur nxjerrjen jashtë banese të mbulesvae të përfshira nga flakët ndërkohë që ka lajmëruar shërbimin e urgjencës që i kanë ardhur në ndihmë të moshuarit.

89 vjeçari Zhidro ndodhet në spitalin rajonal të Korçës nën kujdesin e mjekëve pasi ai ka probleme me rrugët e frymarrjes

Burime nga ky spital thanë se është jashtë rrezikut për jetën.

Njoftimi i Policisë:

Korçë/Informacion paraprak

Mëngjesin e sotëm, në lagjen nr. 4, Korçë, ka rënë zjarr në banesën e shtetasit K. Zh., rreth 89 vjeç, i cili për pasojë ka marrë djegie trupore dhe u dërgua në spital për ndihmë mjekësore, së bashku me shtetasen B. B., rreth 47 vjeçe, që kujdesej për pronarin e banesës, e cila kishte probleme me frymëmarrjen.

Grupi hetimor po punon për sqarimin e rrethanave dhe përcaktimin e shkaqeve të rënies së zjarrit, i cili paraprakisht dyshohet të ketë rënë për shkaqe aksidentale./euronews.al