Zbulohen 591 bimë narkotike në Krujë, arrestohen dy vëllezërit dhe bashkëpunëtori

12:09 | 19 Qershor 2025
E.K

Policia në Krujë ka vijuar operacionin antidrogë të koduar “Koordinata”, pjesë e planit kombëtar për goditjen e kultivimit të bimëve narkotike.

Si rezultat i kontrolleve intensive në terren, në fshatin Zgërdhesh janë zbuluar 11 parcela me gjithsej 591 bimë të dyshuara narkotike të llojit kanabis.

Bimët narkotike u asgjësuan në vendngjarje përmes djegies, ndërsa u arrestuan tre shtetas të dyshuar për kultivimin e paligjshëm, konkretisht: Murat Seferi, 23 vjeç, Emiljano Seferi, 32 vjeç (vëllai i Murat Seferit) dhe Kastriot Bazja, 51 vjeç.

Të tre banojnë në fshatin Halil, Fushë-Krujë.

Hetimet, të mbështetura edhe në metoda proaktive, vazhdojnë për identifikimin e personave të tjerë të përfshirë në këtë rrjet të kultivimit./Arbresh.info