Trupat shqiptare, pjesë e Batalionit Komando në kuadër të misionit Kosovo Force (KFOR ’36), po zhvillojnë stërvitje në Hohenfels, Gjermani.

Ministri i Mbrojtjes, Pirro Vengu, ka publikuar foto nga stërvitja paradislokuese në kuadër të këtij misioni.

Vengu vlerësoi profesionalizmin, disiplinën dhe gatishmërinë e trupave shqiptare, duke theksuar rëndësinë e përgatitjes së lartë për përmbushjen e detyrave në mbështetje të sigurisë kolektive.

“Profesionalizëm, disiplinë dhe gatishmëri aty ku kërkohet më shumë. Jemi NATO në personel, në përgatitje, në mbrojtje të sigurisë kolektive,” shkruan ministri.

Stërvitja në Hohenfels shërben për rritjen e kapaciteteve operacionale dhe ndërveprueshmërisë me aleatët, në prag të angazhimit të radhës në kuadër të misioneve të NATO-s në rajon.