Një grup të rinjsh në  Tiranë, studentë të universiteteve të ndryshme kanë hyrë sot në ambientet e Panairit të Punës, në momentin që kryeministri Rama po mbante fjalimin e tij.

Me një pankartë në duar ata e quajtën këtë panair si ‘panairin e kotësisë’ duke shprehur kështu mosbesimin që kanë te vendet e punës që ofrohen aty.

Të rinjtë janë nxjerrë jashtë ambienteve të panairit, nga truprojat e kryeministrit, ndërkohë që ata kanë vijuar të protestojnë  edhe në shkallët e Pallatit të Kongreseve, deri sa kryeministri Rama ka dalë.

Në këtë moment të rinjtë   protestues kanë nisur të brohorasin njëzëri: ‘Panairi i kotësisë’; turp, turp, turp’…por kryeministri thjesht ju buzëqeshi dhe nuk ndaloi ti takonte. Ai është ndalur vetëm për të bërë  ‘selfie’ me disa qytetarë që kishin ardhur për të vizituar panairin./Arbresh.info/