Presidenti i Shqipërisë Bajram Begaj ka pritur sot në një takim homologun e tij gjerman Frank Walter Steinmeier.

Gjatë konferencës së përbashkët për shtyp, Presidenti Steinmeier se Gjermania do të vazhdojë t’a mbështesë Shqipërinë në rrugëtimin evropian.

“Do vazhdojmë t’iu mbështesim. Përgëzimet e mia për këtë dhe unë shpresoj që shumë shpejt që Shqipëria të bëhet pjesë e BE-së. Mendoj që suksesi në këtë drejtim do ishte në interesin tonë të përbashkët. Shqipëria do ta pasurojë BE edhe në dimensionin kulturor të saj. Shkëmbimi i ardhshëm që do mbështetet nga BE do sjellë shumë më tepër qytetarë do kenë mundësi të shijojnë mikpritjen tuaj, bukuritë natyrore”, tha Presidenti gjerman.

“Kontribuuat që në datën 3 nëntor të nënshkruheshin 3 marrëveshje të rëndësishme mes vendeve të Ballkanit perëndimor. Do ndryshojnë realitetin e njerëzve. Ratifikimi dhe zbatimi i marrëveshjeve do shkurtojë distancat me tregjet e BE duke e shndërruar rajonin, për ta bërë atë më konkurrues. Vitin e ardhshëm në rajon do zhvillohet samiti i procesit të Berlinit. Gjermania do vazhdojë të jetë në krah të Shqipërisë”, u shpreh Steinmeier.

Steinmeier gjithashtu u shpreh se Gjermania dhe NATO gëzohen që kanë një partner kaq të besueshëm.

“Është e rëndësishme të forcojmë miqësinë brenda Evropës”, tha presidenti gjerman.

Dy presidentët u pyetën edhe për Ballkanin e Hapur dhe dialogun mes Kosovës dhe Serbisë.

“Është i mirëpritur propozimi franko-gjerman për dialogun Kosovë-Serbi. Cdo propozim për dialog është i pranuar nga ana jonë. Procesi i Berlinit është i mirëpritur. Është i rëndësishëm implementimi i këtyre marrëveshje. Ballkani i Hapur është një proces integral dhe nëse do të ishte gjithëpërfshirës dhe nëse do të kishte në fokus vetëm lirinë e lëvizjes dhe bashkëpunimin ekonomik është i mirëpranuar. Çdo bashkëpunim rajonal është i mirëpritur”, u shpreh Bajram Begaj.

“Nuk është dërguesi i propozimeve i rëndësishëm. Çdo kontribut që sjell uljen e përshkallëzimin e konflikteve është i mirëpritur”, shtoi presidenti gjerman për propozimin franko-gjerman për dialogun Kosovë-Serbi.

Kjo është vizita e parë e një presidenti gjerman në Republikën e Shqipërisë në 27 vite. Vizita përbën një sinjal të mëtejshëm të mbështetjes nga ana e Gjermanisë për të ardhmen evropiane të vendit tonë.