Një shqiptar që është nisur për të takuar babanë e tij që ndodhet në burg në Itali është arrestuar 2 herë gabimisht. Mediat italiane shkruajnë se bëhet fjalë për 22-vjecarin, Klevis Bregu.

Ai është nisur për në Itali për të takuar babain e tij që ndodhet në burg, por sapo ka mbërritur në Bari është arrestuar nga Policia.

Gjykata e Rrethit të Brescias kishte lëshuar një urdhër arresti për trafik droge në gusht të vitit 2016.
I riu ka qëndruar dy ditë në burg, ndërkohë pas hetimeve autoritetet italiane kanë mësuar se urdher arresti i leshuar kishte humbur efektivitetin sepse gjykata e Brescia nuk e kishte juridiksion në atë kohë dhe e kishte dërguar çështjen në Gjykatën e Brindisit e cila, nuk kishte lëshuar masë të re arresti.

Shqiptari më pas u lirua nga burgu dhe u nis për në shtëpi.

Por nuk mbaron me kaq.

22-vjecari që kthehej për në shtëpi u arrestua sërish në Igumenicë, përsëri në bazë të një urdhër arresti evropian lidhur me të njëjtën akuze, e cila tani nuk është më e vlefshme. U deshën edhe dy ditë të tjera, që djali i ndaluar në një burg grek të lirohej përsëri dhe të kthehej në Shqipëri.