Rafting nis nga ura e Bushtricës dhe përfundon në pranë qytetit të Librazhdit.

Lumi i Shkumbinit po preferohet gjithnjë e më shumë nga të apasionuarit pas sportit të rafting në Shqipëri.

Ky lum, me gjatësi rreth 180 km, ofron mundësi të artë veçanërisht në këtë stinë ku niveli i ujit është i kënaqshëm dhe rryma e favorshme.

Në një video të publikuar nga deputeti i Partisë Socialiste, Taulant Balla , shfaqen disa të rinj që ushtrojnë këtë sport në lumin Shkumbin.

“Në një ditë me plot diell dhe me djemtë e ekipeve të rafting që tashmë e vendosën edhe Shkumbinin në hartën e Rafting Albania”, shprehet Balla.

Lumi Shkëmbin, buron në malin e Valamares dhe duke rrjedh nëpër një luginë të ngushtë e reliev të thyer derdhet në detin Adriatik. Shkumbini merr vlera të rëndësishme për ekonominë shqiptare dhe që ndanë pothuajse në dy pjesë të barabarta Shqipërinë.

Lumi Shkumbin kolon nëpër krahinën e Mokrës në rrethin e Pogradecit. Lugina e Shkumbinit ka një bukuri të rralle me katarakte, shpella, plazhe të vogla, etj. Përgjatë lumit në krahinën e Mokrës ka edhe mjaft vende të përshtatshme për peshkim dhe vende të tjera piktoreske, që mund të vizitohen nga turistët e natyrës dhe ata të aventurës, si Selca e Poshtme në Krahinën e Mokrës me një vendbanim Ilir te lashte, ura e Golikut në fshatin Golik atje ku bashkohen tre degë të lumit Shkumbin.

Më pas lumi kalon nëpër rrethin e Librazhdit dhe atë të Elbasanit ku kalon shume pranë qytetit dhe më pas vazhdon në Peqin e Rrogozhinë deri sa derdhet në Adriatik.

Por, në pjesën veriore të tij, shtrati kalon në formacione shkëmbore dhe ngushtohet mjaft duke shtuar kështu shpejtësinë e rrjedhës së tij. Pikërisht këto kanione të rrëpira, janë zbuluar së fundmi dhe po shfrytëzohen për kanotazh nga admiruesit e sporteve të ujit.

Rafting nis nga ura e Bushtricës dhe përfundon në pranë qytetit të Librazhdit.

Lumi i Shkumbinit e ka grykëderdhjen në një nga plazhet më të bukura në Shqipëri, i cili është Plazhi i Vilë-Bashtovës.