Policia e Tiranës ka arrestuar sot shtetasin E. D., 29 vjeç, pas kallëzimit të marrë nga një shtetase 19 vjeçe nga Brazili se një shtetas e shantazhonte për dhënie pasurie që të mos i publikonte disa video në rrjetet sociale.

Sipas njoftimit të policisë, pas kallëzimit të brazilianes, policia menjëherë kanë organizuar punën për identifikimin dhe kapjen e autorit të dyshuar dhe kanë finalizuar operacionin policor të koduar “Extortion”.

Falë veprimeve profesionale, nga specialistët për Hetimin e Krimeve në Komisariatin e Policisë Nr. 6, brenda pak orësh, është bërë lokalizimi dhe arrestimi në flagrancë të 29-vjeçarit, banues në Tiranë, për veprën penale “Shtrëngimi me anë të kanosjes ose dhunës për dhënien e pasurisë”.

Gjatë veprimeve hetimore ka rezultuar se shtetasi E. D. i kishte marrë pasaportën 19-vjeçares, të cilën e shantazhonte që t’i jepte shuma të caktuara parash, për mospublikimin e disa videove që ai dispononte.