Dhjetëra doza heroinë dhe kanabis janë sekuestruar në Vlorë ditën e sotme, ku në pranga ka rënë një 33-vjeçar.

Sipas një njoftimi, të Policisë së Shtetit është finalizuar operacioni policor i koduar “Prepare”, për goditjen e aktivitetit kriminal të prodhimit dhe shitjes së lëndëve narkotike.

“Sekuestrohen dhjetëra doza me heroinë dhe kanabis. Arrestohet në flagrancë pronari i banesës ku u gjetën dozat me lëndë narkotike”, thuhet në njoftim.

Tutje sipas njoftimit, specialistët për Hetimin e Narkotikëve të DVP Vlorë, në vijim të kontrolleve për goditjen e aktivitetit kriminal të prodhimit dhe shitjes së narkotikëve, bazuar dhe në inteligjencën informative, kanë organizuar dhe finalizuar operacionin policor të koduar “Prepare”.

“Si rezultat i operacionit u arrestua në flagrancë shtetasi N. G., 33 vjeç, banues në lagjen ‘29 Nentori’, Vlorë, pasi gjatë kontrollit të ushtruar në banesën e tij, shërbimet e Policisë kanë gjetur dhe sekuestruar në cilësinë e provës materiale 82 doza me lëndë të dyshuar narkotike heroinë dhe 12 doza me lëndë të dyshuar narkotike cannabis sativa”, bëhet e ditur në njoftim.

Nga veprimet hetimore, siç bën të ditur policia dyshohet se ky shtetas siguronte lëndë narkotike dhe më pas i përgatiste në doza, në banesën e tij, me qëllim shitjen e tyre.