Sekretari i Përgjithshëm i NATO-s, Mark Rutte është takuar sot me kryeministrin e Shqipërisë, Edi Ramën, në kuadër të Samitit të NATO-s në Hagë.

Me anë të një postimi në X, Rutte shkroi se me Ramën kanë diskutuar për situatën në Ballkanin Perëndimor.

“Kënaqësi të ritakohem me mikun tim të dashur ?? @ediramaal në samitin e #NATO. Diskutuam mbi situatën në Ballkanin Perëndimor, mbështetjen tonë të vazhdueshme për #Ukrainën dhe rëndësinë e rritjes së shpenzimeve për mbrojtje për të mbajtur #NATO-n të forte”, ka shkruar Rutte.

Për këtë takim, sot gjatë ditës ka dhënë detaje edhe kryeministri Rama ku është shprehur pjesë e diskutimeve ka qenë edhe projekti i Portit të Ri të Durrësit, ku NATO do të përfshihet në ndërtimin e një terminali ushtarak./Arbresh.info

Good to meet again with my dear friend ?? @ediramaal at the #NATOsummit. We discussed the situation in the Western Balkans, our continued support for #Ukraine and the importance of boosting our defence spending to keep #NATO strong. pic.twitter.com/LJQVdkqbcA

— Mark Rutte (@SecGenNATO) June 24, 2025