Komiteti Teknik i Ekspertëve në Shqipëri ka rekomanduar mbajtjen e maskës në ambientet e mbyllura, për shkak të rritjes së rasteve me COVID-19 kohët e fundit.

Në mbledhjen e zhvilluar këtë të mërkurë, kryetarja e këtij Komiteti dhe zëvendës ministrja e Shëndetësisë, Mira Rakacolli bëri apel edhe për vaksinim.

Rekomandimi për të mbajtur maskën në ambientet e mbyllura, aty ku nuk mund të ruhet edhe distancomi social, sidomos kjo e vlefshme për personat të cilët janë me sëmundje dhe të moshuar”, tha Rakacolli.

Ajo bëri apel edhe për vaksinimin, duke thënë se mund të kryhet edhe doza e tretë apo ekatërt dhe shtoi se kjo është mjeti më efikas i parandalimit të infeksionit.

Me krubën aktuale të infektimeve, Rakacolli theksoi se nuk është e nevojshme një shtrëngim i masave.

Aktualisht, në të gjithë vendin janë 4,235 qytetarë aktiv me Covid. Në spitalin COVID3 po marrin trajtim 24 pacientë.