Hetimi i 36 kutive të para të qarkut Shkodër ka nxjerrë në pah vetëm gabime njerëzore nga ana e administratës zgjedhore, pasi nga verifikimi i stafit të KQZ nuk rezulton të ketë pasur vjedhje votash apo shkelje ligjore që mund të ndëshkohen me gjobe apo burg.

Prej dy ditësh Komisioni Qendror i Zgjedhjeve ka marrë pamjen e një qendre të numërimit të votave. Nga hetimi i kutive te para të Shkodrës u konstatua se në tabelën përfundimtare janë hedhur 3 vota më shumë në favor te PSD-së së Tom Doshit, 1 më pak për koalicionin e Kujtim Gjuzit, 1 vote më shumë për LSI, 4 për PD ndërsa PS ka marrë 6 vota më shumë sesa i takonin.

Procesi i verifikimit te rezultatit 25 Prillit, po injorohet nga partitë politike. Mungesa më e madhe që bie në sy është e Partisë Demokratike, e cila pretendon se nuk ka pasur zgjedhje, por masakër elektorale./tch