Ish Ambasadori i Maqedonisë në Bruksel Blerim Reka në një deklaratë për REL, ka theksuar se tërheqja e personelit diplomatik të Serbisë nga Shkupi i konvenon vetëm Moskës, transmeton Zhurnal. 

Sipas tij arsyeja kryesore për këtë akt të Beogradit është se tanimë Maqedonia iu rikthye itenerarit euroatlantik dhe dalëngadal i jep fund ndikimit ruso-serb në shtet.

Në kontekstin e interesave të Rusisë, ai thekson edhe bllokadën greke të inetgrimit euroatlantik të Maqedonisë, dhe pret që Athina zyrtare, siç thotë ai, dëshiron ose jo, të ndërhyjë në konfliktin sërbo-maqedonas.

“Të mos harrojmë edhe politikat e afërta të Moskës dhe Athinës, jo vetëm në aspektin e bllokimit të integrimit të Maqedonisë në NATO, por nëpërmjet vendit të arrihet një orientim më i gjërë gjeostrategjik dhe të bllokohet integrimi në NATO. Greqia në gjitha këto dhjetë vite ka pasur si pretekst emrin, por në realitet ka luajtur një lojë ruse për bllokimin e integrimit në NATO të të gjitha vendeve Perëndimore të Ballkanit”, ka thënë Reka./arbresh.info/