Kryeministri i Shqipërisë, Edi Rama në rrjetin social Facebook, ka postuar një fotografi nga selia e Partisë Socialiste, në të cilën shfaqet ekipi i punës, që siç shprehet ai, ndjek të dhënat e terrenit në kohë reale, sa i takon rezultateve të zgjedhjeve për kryetarë bashkish në të gjithë vendin.

Tutje, Rama me anë të këtij postimi, nuk le pa ironizuar kundërshtarët politikë.

“LIVE Selia e PS – Superskuadra që organizon sondazhet, studion shifrat, analizon trendet e pjesëmarrjes, ndjek të dhënat e terrenit në kohë reale dhe projekton rezultatet me përafërsi mbresëlënëse në bazë algoritmesh shkencore. Ndërsa të tjerët paralajmërojnë fitoret duke parë filxhanin e dëshirave të tyre, që pastaj e lexojnë me dëshpërimin e avazit bajat të regjimit që u grabit fitoren imagjinare me kthetrat e krimit”, shkruan Rama./Arbresh.info/