everia ka vendosur të shpallë si zonë historike qendrën e fshatin Rehovë të Ersekës.

Me shpalljen e këtij vendi, fshati shpallet zonë e mbrojtur historike dhe do të ruhet nga shteti.

Vendimi është miratuar me propozim të Ministrisë së Kulturës, ndërsa përveç kësaj Ministrie, ngarkohet edhe Ministria e Zhvillimit Urban për zbatimin e këtij vendimi, i cili hyn në fuqi pas publikimit në Fletoren Zyrtare.

Propozimi për shpalljen e  Qendrës Historike në fshatin Rehovë synon ruajtjen e vlerave historike, urbanistike e arkitektonike të këtij fshati, për t’i dhënë kështu një rol të rëndësishëm si një  qendër e zhvillimit të  turizmit në zonën e  Kolonjës. Qendra historike ruan vlerat urbanistiko – arkitektonike të fshatit, e cila ruan gjini të ndryshme ndërtimore si: ndërtime shoqërore, kulti dhe banesa popullore.

Qendra historike përbëhet edhe nga zonat e gjelbra të përfshira brenda saj. Qendra Historike e fshatit Rehovë, përfshin të gjitha ndërtimet ekzistuese dhe përbëhet nga një kompozim kompakt tradicional që zhvillohet rreth kishës dhe sheshit qendror të fshatit. Ansambli i ndërtuar paraqet tipologji interesante veçanërisht në krijimin e hapësirave

urbane, si dhe përfshin një numër të konsiderueshëm banesash me një tipologji të larmishme dhe një rrjet rrugor të shtruar me kalldrëm.

Ndërtimet në përgjithësi janë  2-katëshe dhe janë ndërtuar me mur guri, si dhe ka një numur të konsiderueshëm portash me hark dhe sofat me gurë të gdhendur.