Pas deklaratave të Ambasadores franceze bërë në një intervistë për ABC News vjen dhe reagimi i Presidencës.

“Presidenti Meta nuk ndalon asnjë ambasador të bëhet qesharak dhe karagjoz duke hyrë në debate juridike që nuk ekzistojnë, pasi Kushtetuta dhe ligji për Gjykatën Kushtetuese e kanë të shkruar qartë dhe prerë se Presidenti s’mund të bëjë dy emërime të menjëhershme në Gjykatën Kushtetuese”- shkruan zëdhënesi i Presidentit të Republikës Tedi Blushi.

Blushi shprehet gjithashtu; “Presidenti nuk i ndalon ata t’i drejtohen vetë Komisionit të Venecias e ta pyesin Kush është me e rëndësishme, Kushtetuta e Shqipërisë apo Dvorani i Partisë”.

Presidenti sipas zëdhënësit te tij ka një pyetje për Ambasadorët që Blushi i quan “dhunues të çdo norme diplomatike dhe Konvente”, a i keni marrë leje Kryetarit të shtetit tuaj kur hyni në lojrat e grupit të strukturuar diplomatik për të diskutuar dekretet e Kryetarit të një shteti që e ka shpallur Pavarësinë që në vitin 1912? /abcnews.al