Policia e Korçës ka prangosur dy persona për shkak se kishin përshtatur lokalin e tyre për përdorimin e lëndëve narkotike si edhe mos sigurimi i punonjësve.

Në pranga kanë rënë H.T, 32 vjeç banues në fshatin Plasë, Maliq si edhe K.Z, 18-vjeçe mga fshatin Pojan, Maliq.

“Shërbimet e Komisariatit të Policisë Korçë, në bashkëpunim me specialistët e Seksionit për Hetimin e Narkotikëve në Drejtorinë Vendore të Policisë Korçë, në vijim të punës për goditjen e veprimtarisë kriminale në fushën e shpërndarjes së drogave të forta, bazuar dhe në informacione të siguruara në rrugë policore se dy shtetas ushtronin aktivitetin kriminal të prodhimit dhe shitjes së narkotikëve në një lokal të qytetit, kanë organizuar dhe finalizuar operacionin policor të koduar “Pazari”, si rezultat i të cilit u bë kapja dhe arrestimi në flagrancë i ketyre shtetasve shtetasve” informoi policia e Korçes.

Operacioni ka ndodhur në zonën e “Pazarit të vjetër”, Korçë ku u gjetën plot 73 doza dhe 67 gramë lëndë narkotive, llojit heroinë, gjithashtu 30 kapsula metadoni dhe 1 peshore elektronike, të cilat u sekuestruan në cilësinë e provës materiale.

Gjatë verifikimeve të mëtejshme, rezultoi se këta shtetas në lokalin në përdorim të tyre kishin një punonjëse të paregjistruar në skemën e sigurimeve.

Materialet i kaluan Prokurorisë Pranë Gjykatës së Shkallës së Parë Korçë për veprat penale “Prodhimi dhe shitja e narkotikëve, kryer në bashkëpunim”; “Përshtatja e lokalit për përdorim droge” dhe “Punësimi i paligjshëm”.