Opozita në Shqipëri protestë kombëtare ditën e zgjedhjeve

11:51 | 10 Prill 2017
Arbresh.info

Ditën e zgjedhjeve në 7 Maj, në Kavajë, opozita do të organizojë një protest me mbështetës nga e gjithë Shqipëria. Protesta pritet të jetë një kundërpërgjigje për procesin e zgjedhjeve që mazhoranca ka vendosur të zhvillojë duke shpërfillur opozitën.

Në një reagim zyrtar të PD-së thuhet se “Koalicioni opozitar i mbledhur sot, konfirmon qëndrimin për mosregjistrim në KQZ deri në arritjen e një pakti politik, për krijimin e qeverisë teknike që do të sigurojë zgjedhje të lira, dhe koalicioni opozitar vendosi mbajtjen e një proteste të madhe kombëtare më 7 Maj në Kavajë”,shkruan Lapsi.

Mbetet për t’u parë se si do të jetë procesi zgjedhor në Kavajë më 7 Maj, nëse opozita do të organizojë një protestë të madhe në Kavajë me mbështetës të saj nga e gjithë Shqipëria.