Lëkundjet me magnitudë 5.2, dëme në shtëpitë e dëmtuara në qershor

15:03 | 1 Nëntor 2019
Arbresh.info

Një tërmet më i shkallës 5.2 tronditi Korçën mëngjesin e kësaj së premteje. Epiqendra ishte 1.5 km larg fshatit Gjyras në Devoll ndërsa vala e lëkundjeve u ndje edhe në vendet fqinje Greqi dhe Maqedoni e Veriut.

Por tërmetet e njëpasnjëshme kanë bërë që banorët e Korçës të jetojnë me panik dhe frikë prej muajit qershor kur edhe nisën lëkundjet e para që rrafshuan banesat në disa fshatra të Korçës. Banorët tregojnë se në orën 6.25 minuta kur edhe u regjistrua tërmeti kanë lënë banesat e tyre dhe kanë dalë jashtë të tmerruar

Ndërkohë si pasojë e tërmetit disa prej banesave të dëmtuara më herët kanë pësuar edhe më tepër dëme. 5 banesa në fshatin Vidohovë në Devoll, por edhe shumë prej banesave të fshatit Qafzez në Ersekë janë dëmtuar edhe më tepër si rrjedhojë e këtij tërmeti.