Ad Banner
Ad Banner
Ad Banner
Ad Banner

Kapet në Fier shqiptari që vepronte në një grup kriminal, do të ekstradohet në Itali

12:06 | 20 Nëntor 2025
A Z

Policia në Fier ka arrestuar një 43-vjeçar me qëllim të ekstradimit në Itali.

Sipas njoftimit të organeve të rendit, E.Z. alias R.Z., është i akuzuar si pjesëtar i një grupi kriminal që trafikonte lëndë narkotike, transmeton Klankosova.tv.

Pas arrestimit të tij, Policia finalizoi me sukses operacionin e koduar “Operacionalja 74”.

Vijojnë operacionet nga Drejtoria e Forcës së Posaçme Operacionale, për lokalizimin dhe kapjen e shtetasve në kërkim ndërkombëtar.

Shtetasi shqiptar ishte shpallur në kërkim ndërkombëtar pasi Gjykata e Cantalissetta, Itali, me vendimin e datës 01.09.2025, i ka caktuar masën e sigurisë “Arrest në burg”, për veprat penale “Trafikimi i lëndëve narkotike” dhe “Grupi i strukturuar kriminal”.

Interpol Tirana, në bashkëpunim me Interpol Romën, do të kryejë procedurat për ekstradimin e këtij shtetasi në Itali.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm