Kamp azilantësh në Shqipëri? Reagon Kryeministria: E pavërtetë!

00:38 | 4 Tetor 2021

Kryeministri ka reaguar në lidhje me një lajm të publikuar në mediat britanike se në Shqipëri do të ngrihet një kamp refugjatës.

Drejtori i Komunikimit në Kryeministri, Endri Fuga ky lajm është i pavërtetë dhe se Shqipëria nuk do të bëjë detyrën e atyre që janë më të mëdhenj dhe më të pasur.

“Lajmi se Shqipëria do ngrejë një qendër azilantësh për llogari të palëve të treta është absolutisht i pavërtetë. Shqipëria hapi dyert për 4 mijë afganë e jemi krenarë për këtë. Ne bëjmë detyrat tona karshi traditës e fëmijëve tanë, jo detyrat e atyre që janë më të mëdhenj e më të pasur se ne”, thotë Fuga.

Sipas mediat britanike emigrantët e paligjshëm do të fluturojnë 1.500 kilometra në një qendër në det të hapur në Ballkan, ndërsa kërkesat e tyre janë duke u përpunuar. Nderkohe qe kërkesat e azilit në Mbretërinë e Bashkuar do të trajtohen, emigrantët do të qëndrojnë në Shqipëri.

Gazeta thekson me tej se zyrtarët në Londër dhe kryeqytetin shqiptar Tiranë thuhej se ishin afër arritjes së një marrëveshjeje për qendrën e përpunimit./shekulli/

Shpërndaje në rrjete sociale

Lajmet më të lexuara