Të intervistuara pas hekurave te burgut, vajzat apo nenat e reja te divorcuara, rrëfejnë se cilët janë klientët VIP të tyre.

“Kur dal për të gjetur klientë shkoj në një lokal me muzikë, vishem në mënyrë provokuese. Kush me afrohet i them jam vajzë pune”, tregon Besa.

“Unë dilja kur më telefononin klientët”, thotë Ana.

Ana dhe Besa janë pjese e një grupi prej 22 personash  ku mes tyre 10 janë prostituta, të cilat ofronin shërbime seksi në Tiranë.

Sipas të dhënave nga Ministria e Drejtësisë prostitucioni po kthehet në një shqetësim, ndërkohë që për policinë është identifikuar së fundmi edhe prostitucioni i luksit.

“Ashtu siç e tregoi edhe operacioni i fundit i Policisë së Shtetit kryesisht ka një rrjet. Nëpërmjet taksistëve apo edhe ndihmësve të tyre, të cilët ndihmojnë vajzat që të ushtrojnë prostitucionin”, shprehet Elona Gjebrea, zv/Ministre e Brendshme.