Nëse Vasili, tashmë ministër i Drejtësisë do të respektojnë marrëveshjen që kanë dy partitë që qeverinë vendin, atë të lënies së mandatit të deputetit, atëherë LSI do të ketë një emër të ri që do të përfaqësojë elektoratin e fierit, ku dhe ka marrë mandatin e deputetit Vasili. Në listën shume emërorë te LSI-së për Qarkun e Fierit, pas Petrit Vasilit dhe Robert Bitrit që kanë mandatin e deputetit radhitet një kandidate femër dhe më pas një mashkull.

E treta në listën e LSI-së për Fierin është Ornela Zonja dhe pas saj është Ardian Alushi. Një nga këta emra do të hyjë për herë të parë në Kuvend, ndërkohë që pritet dorëheqja e Vasilit nga mandati i deputetit dhe më pas veprimet e tjera ligjore që dy emrat që janë në listën shumëemërore. Zonja ka qenë kryetare e Komisionit Qendror të Zgjedhjeve të LSI-së, ndërsa Alushi ish kreu i Inspektoratit Qendror Teknik (IQT).