Policia italiane ka zbuluar një grup që merrej me trafikimin e lëndëve narkotike duke vënë në pranga pesë persona. Policia në Lecco thotë se bëhet fjalë për një grup që kishte një veprimtari shumë komplekse në shitjen e drogës.

Një drejtuesit ishte shqiptari, Françesk Meçaj. Policia italiane thotë se Meçaj është shumë i rrezikshëm dhe agresiv dhe merrej me trafikun e drogës në stacionin e trenit Lecco-Milano.

Klientët, sidomos studentët, merrnin dhe drogë falas si marijuanë, hashash apo edhe heroinë. Ndërsa normalisht droga shitej me çmim shumë të ulët, rreth 5 euro për dozë.

Gjatë muajve të fundit këto dy grupet kanë kryer mbi 2 mijë shitje. Shumë njerëz të rinj në përpjekje për të blerë drogë kryejnë grabitje të vogla, ndërsa vajzat ofronin edhe seks në këmbim të drogës.