Kryeministri i Shqipërisë, Edi Rama ka bër të ditur se është hedhur hapi i parë për zbatimin e projektit të balinës ujore të Urës së Bunës.

Sipas kryeministrit shqiptar kjo do të transformojë gjithë hyrjen e qytetit të Shkodrës.

“Hidhet hapi i parë për zbatimin e projektit të ballinës ujore të Urës së Bunës, që do të transformojë krejt hyrjen e qytetit të Shkodrës, ku ka nisur tashmë procedura e tenderimit vënë në dispozicion nga Qeveria Shqiptare”, shkruan Rama në Facebook.

Tutje Rama thotë se hyrja e qytetit do të kthehet në një nga zonat urbane më të bukura në vend.

“Nga një hapësirë e keqtrajtuar në vite, hyrja e qytetit do të kthehet në një nga zonat urbane më të bukura në vend. Projekti do të integrojë në një hapësirë të madhe këmbësore dhe për biçikleta dhe punimet e nisura të bypass-it, loti 2”, shkruan Rama./Arbresh.info/