Greva e kontrollorëve të trafikut ajror në Rinas, rrezikon të mos ulen 10 avionë gjatë natës

01:30 | 7 Prill 2021

Greva e 60 kontrollorëve të “Alb Control” rrezikon të mos ulen 10 avionë gjatë mesnatës. Burime bëjnë me dije se janë 60 persona të cilët kanë firmosur deklaratën e paaftësisë së përkohshme për shkak të stresit të vazhdueshëm që kanë në punë. Raportohet, se punonjësit kanë marrë kërcënime të vazhdueshme madje dhe para 20 ditëve ku pritej të zhvillohej stërvitja nga NATO, kontrollorët janë kërcënuar për ndjekje penale.

Në total ‘Alb Control’ ka 68 kontrollorë, 12 janë pjesë të administratës, 37 aktivë për mbikalimet, 18 aktivë në kullë dhe një në administratë. Vlen të thuhet se kjo është hera e parë që ndodh një grevë nga kontrollorët ajror dhe ende nuk dihen pasojat që do të ketë kjo grevë.

 

Shpërndaje në rrjete sociale

Lajmet më të lexuara