Gara për kreun e PD, edhe Selami kërkon që Basha të japë dorëheqjen

13:09 | 3 Korrik 2017
Arbresh.info

Kandidati për kreun e PD-së Eduard Selami është shprehur sot se ka kërkuar që Lulzim Basha të japë dorëheqjen nga posti që gara të bëhet e ndershme.

Selami është shprehur gjithashtu që ka kërkuar edhe që zgjedhjet të bëhen në javën e parë të shtatorit, sepse data 22 korrik nuk i jep mundësinë për të bërë fushatë.

Pjesë nga fjala e Eduard Selamit:

Unë tani takova edhe kandidatin tjetër, Lulzim Basha. Ne u takuam me simpatizantët e demokratët e thjeshtë.

Kjo është një garë brenda familjesh dhe vizionesh. Ky është një model i pakëpërcyer. PD duhet të prezantojë një lidership të ri, bashkëkohor dhe demokratik. Basha nuk e ka. Unë e kam bindjen se unë do e bëj këtë gjë.

I sugjerova që data 22 nuk më jep kohë për të bërë fushatë. Propozova që zgjedhjet të bëhen në javën e parë të shtatorit.

Nëse unë do të isha në vendin e Bashës, do të jepja dorëheqjen.