Atentat me armë zjarri në aksin rrugor Lezhë-Shkodër. Një person është ekzekutuar rreth orës 20:25 të mbrëmjes së sotme ndërsa udhëtonte drejt Shkodrës.

Viktima është shtetasi Dritan Lorenci, ish-efektiv i policisë.

Ai u qëllua me armë zjarri në automjetin e tij nga një makinë tjetër në lëvizje në fshatin Mabe të Lezhës.

“Me datë 02.01.2016, rreth orës 20.25 në segmentin e rrugës autostradë Lezhë-Shkodër, vendi i quajtur “Mabe” nga persona të pa identifikuar është gjuajtur me armë zjarri në drejtim të mjetit tip Lançia ngjyrë blu me targa AA479KJ , ku si pasojë ka ngelur i vdekur drejtuesi i mjetit me iniciale D.L, ish-punonjës policie”.

Atentatorët janë larguar me shpejtësi në drejtim të paditur.

Forcat e policisë kanë ngritur postblloqe të shumta për të kapur autorët e vrasjes.