Prezenca e OSBE-së në Shqipëri, në bashkëpunim me Ministrinë e Brendshme dhe Policinë e Shtetit organizojnë, për herë të parë, në Shqipëri, një demonstrim rajonal të aftësive të qenve të policisë në zbulimin e narkotikëve dhe armëve të zjarrit.

Marrin pjesë njësitë e qenve të policisë nga Shqipëria, Kosova, Maqedonia e Veriut, Mali i Zi dhe Bosnjë-Hercegovina. Të pranishëm do të jenë ambasadori i Prezencës së OSBE-së Michel Tarran, Ministri Balla dhe Drejtori i Përgjithshëm Rrumbullaku.

Veprimtaria është pjesë e projektit “Asistencë për autoritetet e Republikës së Shqipërisë për uljen e rrezikut të përhapjes së armëve dhe keqpërdorimit të armëve të vogla dhe të lehta”, i cili zbatohet nga Prezenca e OSBE-së, me fonde të Bashkimit Evropian, Gjermanisë dhe Francës.