Kreu i demokratëve Lulzim Basha i është përgjigjur përmes një publikimi në Twitter reagimit të kryeministrit Edi Rama.

Ndërsa kreu i qeverisë komentonte akuzat në konferencën për shtyp të Bashës lidhur me inceneratorët, kreu i PD-së vazhdon të akuzojë kryeministrin lidhur me tenderat dhe abuzimet e inceneratorëve.

Duke iu drejtuar kryeqeveritarit me cilësimin “hajdut i mafias së plehrave”, Basha shprehet se pas çdo vuajtje të shqiptarëve qëndron një vjedhje e Ramës.

“Dhimbjet e shqiptarëve që ke zhytur në skamje e nuk kanë mundësi as për ilaçe, shëndetësia në kolaps, ekonomia në krizë, zbrazja e vendit nga rinia për ty është dasëm o hajduti i mafias së plehrave. Pas çdo dhimbje dhe vuajtje të shqiptarëve qëndron një vjedhje e jotja”, ka shkruar Basha në twitter.