Kryetari i Partisë Demokratike të Shqipërisë, Lulzim Basha, tha sot se marrëveshja e 18 majit, mes tij dhe kryeministrit Edi Rama, ka vdekur për shkak të manipulimit të, siç u shpreh ai, zgjedhjeve të 25 qershorit.
Në fjalën e mbajtur në Parlament, ku që prej mëngjesit po diskutohet mbi programin e qeverisë së re socialiste, Basha tha se reforma zgjedhore mbetet sipas tij jetike për të ardhmen e vendit

“Thelbi i marrëveshjes së 18 majit, ishin zgjedhjet e lira dhe të ndershme. Ndaj, dhe zgjedhjet e 25 qershorit shënuan vdekjen e kësaj marrëveshjeje”, tha ai.

Ajo çka sipas tij e kishte varrosur përfundimisht marrëveshjen ishte votimi të shtunën I kryetarit të parlamentit, Gramoz Ruçi, në favor të të cilit shkuan së paku dy vota të demokratëve, për të cilat ai tha se ishin blerë ose manipuluar