Janë arrestuar katër persona të dyshuar për vrasjen e 18-vjeçarit në Tiranë, që erdhi pas një sherri me thika mes të rinjsh.

Policia ka bërë të ditur se tre nga të arrestuarit janë të mitur, ndërkaq njëri është 20-vjeçar, shkruan Euronews.al.

“Tiranë-Identifikohen dhe shoqërohen në ambientet e Policisë, 4 autorët e dyshuar të ngjarjes së ndodhur mbrëmjen e djeshme, në Shkozë. Janë identifikuar, kapur dhe shoqëruar në ambientet e Policisë shtetasit F. Sh., 20 vjeç, dhe tre të mitur të moshës 16 vjeç, 16 vjeç, një 15 vjeç, dhe po punohet per dokumentimin e plotë të ngjarjes”.

“Nga veprimet paraprake hetimore të kryera ka rezultuar se këta shtetas mbrëmjen e djeshme, duke qarkulluar me automjet, janë konfliktuar per motive të dobëta me shtetasit që ndodheshin në automjet me 18-vjeçarin”, thuhet tutje në njoftimin e policisë.