Ambasadorja amerikane në Shqipëri, Yuri Kim, me anë të një postimi në Twitter ka bërë me dije se ka zhvilluar një takim me kryediplomatin e OSBE-së, Del Monaco, me të cilin ka diskutuar për angazhimin e përbashkët të dy vendeve për të mbështetur zgjedhjet e lira e të ndershme, Reformën në Drejtësi dhe luftën kundër trafikimit të qenieve njerëzore.

“U takova me ambasadorin e OSBE-së, Del Monaco, për të diskutuar angazhimin tonë të përbashkët për të mbështetur zgjedhjet e lira dhe të ndershme, reformën në drejtësi dhe luftën kundër trafikimit të qenieve njerëzore. Ne inkurajojmë Shqipërinë që të mundësojë votën e diasporës sa më shpejt që të jetë e mundur, siç e kërkon Kushtetuta”.

“SHBA është e kënaqur të mbështesë Shqipërinë në përpjekjet e saj për të forcuar institucionet dhe proceset gjyqësore, duke përfshirë zhvillimin e programit të ri të masterit në kriminologji”, shkruan Yuri Kim në Twitter.

Met with OSCE Amb. Del Monaco to discuss our shared commitment to supporting free & fair elections, justice reform & combatting trafficking in persons. We encourage Albania to enable diaspora voting as soon as possible, as required by the Constitution. (1/2)

— Ambassador Yuri Kim (@USAmbAlbania) July 12, 2022