Shtyhet sërish shkarkimi, reagon Meta: Brenda 48 orëve u dorëzoj përgjigjet, do t’ua lexoj edhe qytetarëve

14:34 | 3 Shkurt 2022
A Z

Presidenti Ilir Meta ka reaguar pasi Gjykata Kushtetuese shtyu në 7 shkurt dhënien e vendimit për shkarkimin ose jo të tij.

Meta shkruan se është njohur me 72 pyetjet e anëtarëve të Gjykatës Kushtetuese dhe brenda 48 orëve jo vetëm që do t’ua dorëzojë, por do ua lexojë edhe qytetarëve.

Postimi i plotë i tij:

Falenderoj Këshilltarët e mi për punën e shkëlqyer, që kanë bërë gjatë farsës gjyqësore të iniciuar nga ish-Kuvendi monist dhe antikushtetues.

Pasi u njoha me 72 pyetjet e anëtarëve të Gjykatës Kushtetuese, brenda 48 orëve jo vetëm do të dorëzojmë 72 përgjigjet, por personalisht si President i Republikës do ua lexoj të gjithë qytetarëve të Republikës përgjigjen për çdo pyetje, nga Institucioni i Kryetarit të Shtetit. /arbresh.info/